تبادل لینک هوشمند ئەمساڵ بێ چیا نەورۆز ناکەم،
بێ بۆنی گیا نەورۆز ناکەم،
نەورۆز ناکەم،
بێ بڵێسەی سووری ئاگر.
گەر ڕەشبەڵەک تۆز نەکات و
بۆخۆم نەبمە سەرچۆپیگر.
کزەی جەرگم،
بەیانی زوو هەڵمسێنە
زۆر دەترسم،
کەوێک، کارێک،
گوندێک، شارێک،
چەمێک، چیایەک،
لە بیر بکەم.
زۆر دەترسم،
دارێک، بەردێک،
کۆختێک، گەردێک،
پنجە گیایەک،
لە بیر بکەم.
بەیانی زوو هەڵمسێنە،
دیسان مەڵێ با تێرخەو بێ،
سوێندم بە چیا خواردووە،
کە کوردستانە دوورەکەم،
بە گەرمێن و کوێستانەوه،
بگوازمەوە بۆ غەریبی،
بۆ ژوورەکەم...
"پەشێو"
برچسب‌ها: نەورۆزپەشێو
نیوەشەوێ،
لەبن ڕێژنەی،
هەودای تەزوو و برووسکەدا،
ژوانم هەیه.
که دەیگەمێ،
لەپی دەستێک،
بۆ ناو تۆفان گەمیەم دەبێ.
بەژنێک شێعر و تریفه و بۆن،
تێم دەئاڵێ.
کۆشێک داڵدەی هەنیەم دەبێ.
بۆ دوودڵم؟
ئەگەر نەچم،
کێ دەزانێ،
لەم عومره کورتەی که ماوه،
کەنگێ دیسان ژوانم دەبێ؟
کێ دەزانێ،
کەی شێتی باڵم پێ دەگرێ و
جارێکی تر دەرفەتی سووتانم دەبێ؟
"پەشێو"
برچسب‌ها: پەشێو
خبرنامه وب سایت:
آمار
وبلاگ:
